مش بس كلام

مش بس كلام




خلينى يارب لما اتكلم عن الغفران
اعرف اغفر حقيقي لاخويا وعدوي وكل الناس
ميكونش بس كلام


خلينى لما اتكلم عن المحبه اعرف فعلا
اديها لكل اخواتى كأعضاء في جسد واحد
ميكونش بس كلام


خلينى لما اتكلم عن العطاء و التضحيه
اعرف ابذل نفسي من اجل الآخر
ميكونش بس كلام


خلينى لما اتكلم عن الصلاه وروحانيتها اعرف
اقف قدامك واسكب نفسي عند قدميك
ميكونش بس كلام


خلينى لما اكون خادم وبتكلم عن الخدمه
اصير انا نفسى شبه ليسوع على الارض
خارج الكنيسه قبل جواها
مش بس كلام


خلينى مسيحى حقيقى مش صاحب لسان


واثق فيك انك سامع والطلبه دى على قلبك قبل قلبى
حسب كلمتك علشان كلمتك انت
مش بس كلام