الاول اعرف نفسك وابقا اتكلم

اتفضل شوف انت مين ؟؟؟



من انت ؟
احيانا الواحد منا بيقول انا ولا حاجه بس ليه احنا بنقول كده ممكن علشان مش عارفين احنا مين بس لازم نعرف احنا مين تعالوا نعرف مع بعض انت وانا مين.
1- انت صوره الله ومثاله :-
ربنا لما جه يخلقنا قال اخلق الانسان على صورتى ومثالى لما جه يخلق الخليقه كلها خلق كل حاجه بالامر لكن لما جه يخلق الانسان عمل حاجه تانى خالص نفخ فى نفسه نسمه حياه يقول الكتاب كده (فصار ادم نفسا)لكن لو كان ادم نفسا وبس كان زيه زى الحيوان لكن يكمل ويقول (فصار ادم نفسا حيه) الحياه اللى فينا دى مصدرها الله وانت صوره الله ومثاله ربنا ميزك انت عن كل خليقته .
2- انت مسكن للروح القدس:-
انت عباره عن هيكل ماشى لانك انت وخارج من جرن المعموديه مقلناش عليك انك مسيحى وبس ده ابونا وقفك بعد ماخرجت من جرن المعموديه ومسحك 36 مسحه مقدسه اللى هيه سكنا وتبادل الروح القدس فيك وعلشان كده يقول بولس الرسول (انتم هياكل الله وروح الله ساكن فيكم )
انت جواك روح الله وطالما الروح القدس ساكن جواك يجعل منك هيكل مقدس ماشى على رجلين .
3- انت الكاهن الوحيد اللى بيتحد بالمسيح فى سر الافخارستيا:-
لما بتتناول بتطلع شايله جواك لان قول المسيح حق والمسيح قال(من ياكل جسدى ويشرب دمى يثبت فيا وانا فيه) انت طالع وثابت فى المسيح والاحلى ان مسيحك ثابت فيك.
4- انت الابن الوارث :-
انت الوارث كل مجد ابوك السماوى اول ميراث اخده هو اسمه لانك مسيحى وهوه اسمه المسيح تانى ميراث ده بقى فوق فى السماء للى يكمل يقول عنه بولس الرسول (مالم تره عين ومالم تسمع به اذن ومالم يخطر على قلب بشر)
هل انت حاسس بكل ده ؟
للاسف الممارسات العاميه خلتنا مش حاسين بالمجد اللى احنا اخدناه والمهم ان احنا نكون عارفين اننا حاجه كبيره اوى اوى ونكون حاسين بكل ده .