اسكالوب جنان

موضوع: اسكالوب جنان الأحد مايو 22, 2011 6:24 pm

سلام المسيح على احلى اعضاء

النهاردة هطبخلكوا اكلتى المفضلة

جهزوا ورقة و قلم

المقادير ..
كيلو اسكالوب بانية بتلو يكون رفيع اوى اوى يعنى مدقوق كويس
خضار مشكل "" 2 كوسة
ا بصلة
9 حبات مشروم
2 جزرة ,,,و اى خصار تانى ممكن تحبوا تضيفوه

بهار مشكل تقريبا 9 انواع بهار من العطار بتكون مخصوصة للاسكالوب او كفاية جوزة الطيب
مع ملح و فلفل اسمر

زيت نباتى

جبنة مودزريلا
ا

الطريقة ..
نغسل الاسكالوب كويس و نصفيه من الميا
نتبله بالملح و الفلفل مع البهار ات تقريبا كدة ساعة كاملة
نقطع الخضار شرايح رفيعة بالطول "" الكوسة و الجزر "" و نقطع البصل جوانح و كمان المشروم

نتبل الخضار فى طاسة مع ملعقة زيت و نتبله بملح و فلفل و نضيفله فنجان ضغنن مياه و نسيبهم على النار لحد ما يستوه نص سوة بس

ناخد الاسكالوب و نفرده و نحط فى كل و احد شويه خضار و نلف الاسكلوب و نثبتها بخلة __ علشان كدة لازم يكون الاسكالوب رفيع __

نكرر العملية دى مع الكمية كلها

نسخن طاسة معاها شويه زيت قليليين و نشوح الاسكالوب من كل النواحى _ لحد ما يحمر بس مش يستوى __

نرفعه و نرصه فى صنية جنب بعض خالص و بعدين نحطله الجبنة المودزريلا __ نحط كتير _
و ندخله على الفرن لمدة ربع ساعة

و بعدين كلوا صوابعكم وراه

امممممممممممممممممممممم لذيذ لو ما كونتش صايمة كنت قومت طبخته

يا رب تعجبكوا

[url]

[/url]