هل انت بتضحك عليك
اقعد لوحدك شوية قبل ماتكمل الموضوع واسال نفسك هل انت بتضحك علي نفسك
الله بتكمل الموضوع ليه مش قلت اقعد مع نفسك شوية .... يالله هه قعدت معاها ؟ طب نكمل بقي
طيب ممكن حد يسال نفسه ازاي بضحك علي نفسي هرد عليه واقوله بمصطلحات اليومين دول يعني بتعيش الدور بس علي نفسك انت
بالنسبة للشباب مثلا ممكن واحد يقعد معيش نفسه قصة حب ويحسس نفسه انه رشدي اباظة او تامر حسني وان حبيبته هي لبني عبد العزيز او مي عز الدين في اسوا الاحتمالات
ويفضل معيش نفسه الدور وميقعدش ولا مرة مع نفسه ويسالها سؤال هو
انت ليه بتحبها
الله ايه السؤال الغريب ده لو حد رد علي نفسه بالاجابة دي يبقي هو بيضحك علي نفسه انا مثلا بحب ربنا عشان هو خلقني و حاجات كتيرة جدا لايمكن ان تحصي
طب انا بحب فلانة ليه بقي
ممكن يبقي بيحبها عشان هي بتحبه وبس
وده طبعا مصيبة من العيار الثقيل
طبا يه اللي بيحصل انا اقولكم
يبقي واحد قاعد في حاله ويلاقي مثلا واحدة معجبة بيه او بتضحك علي نفسها وفاكرة كدة هو طبعا يزقطط ان في واحدة مهتمة بيه يقوم هو يعمل ايه ( برده بمصطلحات الايام دي ) يلاغيها الحوار ويديها خمستاشر ميسد في اليوم وممكن قوي يبعتلها رسالة وبعد كدة يقولها سوري اتبعتت غلط وهي تقوله ابقي خد بالك المرة اللي جاية مع انها كانت كل يوم بتفتح الانبوكس علي امل انها تلاقيله رسالة
المهم بعد كدة يبداوا يقربوا من بعض ورنة في رسالة في قعدة تشات في مكالمة هبة الموضوع يقلب ب لقاء وبعد اللقاء والفرحة المفاجئة يبدا الروتين يشتغل
الله طب الروتين ايه الي جابه انتوا مش بتحبوا بعض
لا ماهو لو كل واحد قعد مع نفسه وكلمها بصراحة ورد برده بصراحة هيكتششف انه كان بيضحك عليه وهيسيب نصه التاني اللي هو اساسا مش علي مقاسه خاااااااااااااااااااااالص
علي فكرة انا مش بهاجم الحب وفي ناس بتحب فعلا وبتحب قوي لكن انا بتكلم علي ظرف معين وسكة معينة يالله تصبحوا علي خير
قبل ماتناموا اقعدوا معاكم واسالوكم انتوا بتضحكوا عليكوا ولا ؟
حد فهم حاجة ؟
الثلاثاء مارس 29, 2011 1:57 pm