سلام ونعمه يا اخوتى
موضوع خطر ببالى واحب اسمع ارائكم فيه
كل انسان عايش حياه مختلفه عن التانى
بنقابل ناس ونعرف ناس
ونتعامل مع ده وده
ونخسر ده وده
بس اكيد فى النهايه اللى عايزه ربنا هو اللى بيكون
سؤالى ممكن يكون غريب
هل كل شخص مننا بيختار حياته ؟؟
بيختار ازاى يعيش ؟؟
بيختار الجو اللى هو عايش فيه ؟؟
بيختار انه يكون انسان ناجح او فاشل ؟؟
مع الاصرار والعزيمه ممكن نغير حاجات
بس اللى مكتوب عند ربنا هو اللى بيتم مهما عملنا
ترتيب ربنا لينا هيكون افضل
قول الانجيل بيقول " كل الاشياء تعمل معا للخير للذين يحبون الله "
اكيد كلنا عارفين معنى الايه دى
يعنى اى شىء فى حياتنا مهما كان وحش بالنسبالنا
بس ربنا اكيد شايف الخير لينا
فى ناس هتقول ازاى يكون خير وده حاجه وحشه
طيب بس هو وحش من نظره عنينا ليه
نستنى ونشوف ترتيب ربنا اكيد هيكون للخير