انتو عارفين يااخواتى ان لو واحد حب واحدة وهى كمان حبته بتبقى علاقة حلوة قوى فيها حب متبادل ولكن تاتى الريح بما لاتشتهى السفن لمجرد خلاف صغير يضيع كل حاجة وساعتها الواحد بيبقى مش عارف يعمل اية لانة بيحس ان حبه بيضيع من غير تمن وكمان المستقبل كدة اتغير قدامه ومش عارف يعمل اية
وانا النهاردة جية اقولكم كحايتى وانا عارفة ان هى متشابهة مع كتير منا بس المهم تتحل ازاى هو دة الحنا عاوزين نشوفة مع بعض
حكايتى انى كنت طفلة صغير وماما وبابا عرفونى على واحد محدش يستغرب اصلو قربنا وانا من كتر كلمهم عنه حبيته قوى واتعلقت بى وهو كمان بيحبنى وكان مهتم بيا قوى وكانت علاقتنا حلوة قوى مع بعض وانا كبرت وهو لسة معاية وبيحبنى ولكن انا بقى لما كبرت اهتميت بحجات كتير مكنتش واخدة بالى منها وانا صغيرة وابتديت ابعد عنه مع انى عارفة انه بيحبنى وعاوزنى اكمل معاه بقيت حياتى بس انا بقى مرضتش مش عارفة لى مع انى انا كمان بحبة بس حسيت ان فى حجات كتير منعانى انى اكمل الحب دة ومش عارفة اعمل اية بصراحة انا كمان رحت اتعرفت على ناس تانى كتير وهما فهمنى كتير وكلهم بيحبونى وانا كمان بحبهم وهما كمان كانو من اسباب بعدى عنه بس فى مرة وقعت فى مشكلة جامدة قوووووووووووى ورحت لاصحابى دول وقلت هما ال ممكن يقفو جنبى فى الموضوع دة ولكن ملاقتش حد منهم كل واحد قلى معلش انا بجد مش فاضى ملقتش قدامى غير ان ارحلو وبصراحة كنت مكسوفه لما رحتلو علشان كان بقالى كتير مرحتلوش لكن هو اول ماشفنى اتبسط قوى ووافق على طول انة يساعدنى بس بعد ماساعدنى انا بعد عنة تانى وكذا مرة بصراحة اعمل معاه الموقف دة لكن فى مرة بقى حسيت ان اصحابى دول بتاعو مصلحتهم وكل واحد يفكر فى نفسه بس وقررت ارجع تانى لحبيبى الاولانى بس مش عارفة اعمل اية انا بحبه بجد بس بقالى كتير مقبلتوش انا عاوزاكم تساعدونى وتقولولى اعمل اية معاة وممكن ارجعلو ازاى وهو ممكن يقبل انى ارجعله تانى بعد الفترة دى كلها وطبعا انا عارفة انى فى الفترة دى انا ضايقته كتير وكمان هو لما كان بينادى علية انا مكنتش برد علية اعمل اية انا ليا رائ فى الموضوع دة بس قبل ما اقول راية احب اعرف رايكم بس كمان قبل ما تقولو رايكم لازم تعرفو مين الشخص دة علشان بتختلف من واحد لواحد على فكرة انا متاكدة انكم تعرفو اصلو معانة هنا فى المنتدى هو حبيبى الغالى علية قوى رب المجد يسوع المسيح بجد عاوزة اعرف ردكم وتعيشوا معاية الموضوع خطوة خطوة وانتو طبعا فهمتو انا قصدى فى كل كلمة كتبتها اية هى الحجات البتبعدنا عنه ومين هما الاصحاب المبيحبهوش انا عاوزة كل واحد يشوف اية ال بعدو عنه ويكتبلنا ازاى ممكن نتخلص من الحجات دى ونرجع اطفال فى حبة تانى
الأربعاء أبريل 06, 2011 7:11 pm
[/url]